logo

Audio Files Ko Text Me Convert Kaise Kare

Aapne kahi baar text ko audio files me convert kiya hoga but kya kabhi Mp3 file text me convert kiya hai? Audio ko text me convert karne ke liye bahut saare tareeke hai. Main is post me different web applications ke naam batane ja raha hu jise Mp3 files ko text files me convert kiya ja sakta hai. Ye bada hi लाभकारी hai kyunki ise hum kisi speech ko text file me convert kar ke yaadgar bana sakte hai. Speech ke alawa, news report ko bhi convert kar sakte hai.


convert audio to text


Audio file ko convert karne ke liye maine neeche kuch website mention ki hai. Aap in websites par koi bhi mp3 file upload kar ke text file create kar sakte hai. Audio file convert karne ke baad text file ko manually bhi check kare. Convert ki gayi text file me kuch गलतियां ho sakti hai. Isliye inhe manually check kare. To badhte hai websites ki taraf jaha Mp3 ko text me covert kiya ja sakta hai.



1. IBM Watson Speech to Text Service

"IBM Watson Speech to Text Service" website FREE aur badhiya hai. Yaha par aap badi aasani se mp3 files ko text me convert kar sakte hai. Basically, ye website artificial intelligence (AI) तकनीक ka istemal karke audio files ko convert karne me madad karti hai. Is website par account create karne ki bhi zaroorat nahi padti.


2. Bear File Converter

Is website par ja ke "Recognition Engine" select karna na bholein. Correct "Recognition Engine" select karke output bhi correct mil sakta hai. Correct output ke liye aap "CMU Spinx" Recognition Engine bhi use kar sakte hai. Ek ek kar ke donu audio engines ko test kare. " ear File Converter" ka interface baki websites se easy hai. Lekin ek baad yaad rakhe ki is website par audio file ko convert karne ke liye file size ka khayal rakhe. Agar file ka size 3 MB se ziyada hai to koi output nahi milega. Aap badi audio files ko kahin se compress karke upload kar sakte hai. "IBM Watson Speech to Text Service" website ki tarah ye FREE hai aur account create karne ki janjhat bhi nahi uthana padta hai.


3. YouTube

Agar aapke paas Google account hai to aap YouTube ka istemal kar ke audio files ko text files me convert kar sakte hai. YouTube par audios ko convert karne me bahut time lagta hai but output baki websites se acha hota hai. Agar aap YouTube user hai to aap ne kahi baar "CC" icon dekha hoga. Ye wohi icon hai jise hum audios ko text me convert kar sakte hai. YouTube par audio upload karne se pehle mp3 file video me convert kare. Jab aap mp3 file ko mp4 file me convert karenge to aa kar neeche diye gaye steps follow kare.


  • Pehle video file ko youtube par upload kare
  • Agar aap video ko secret rakhna chahte hai to upload karne se pehle video ki privacy change kare
  • Video upload hone ke baad "Advanced Settings" me ja kar sahi "video language" select kare
  • Finally, video ko publish kare
  • Ab "YouTube Dashboard" me ja kar apna video select kare
  • Select karne ke baad "Subtitles/CC" me ja kar "language button" par click kare
  • Aisa karne se left side me sabhi "closed captions" show ho jayege jinhe aap SRT, VTT, aur SBV format me download kar ke text file create kar sakte hai

4. VB Audio Software

"VB Audio Software" website ziyada se ziyada correct output dene me expert hai. Aap is website ka use kar ke kisi bhi mp3 file ko text file me convert kar sakte hai. "VB Audio Software" website par audio file convert karne ke liye audio ko upload kar ke play kare. Is website par audio convert karne ke liye "VB Cable" software ko apne PC par install bhi kar sakte hai. "VB Audio Software" website par aap online speech record kar ke text me convert kar sakte hai. Jab mujhe audio file ko text file me convert karne ki zaroorat padti hai to main isi website ka istemal karta hu.


Dosto, ye thi kuch website jinse aap kisi bhi audio file ko text file me convert kar sakte hai. Convert kiye gaya text ko manually check kare. Kyunki results itne accurate nahi ho sakte hai. Agar aap kisi dusre software ke bare me jante hai jise 100% accurate output mil sakta hai, to please comments me likhen.


We're Listening:

Koi bhi question ho jaise Smartphone, Laptop, camera, Internet, SEO, Battery, Softwares, Apps... Just use #TechLekhak hashtag anywhere on social media like Facebook, Twitter, Instagram, or LinkedIn.
Subcribe to Our Tech Updates

and Share on