logo

Advertisement

Play Different Songs On Each Side of iPhone Headphone

Dosto, aaye din hum roz Android smartphone ke naye tarike sikhte rehte hai. Lekin aaj main iPhone ke bare me aap se ek badhiya trick share karu ga. Is trick se aap apne iPhone ke headphone se ek sath do different songs sunn sakte hai. Headphone ke left side me ek song aur right side me dusri tarah ka song ek sath enjoy kar sakte hai. Dosto, ek baat ka khayal rahe, ki is App ko only SoundCloud par use kiya ja sakta hai. Agar aap mobile me pade songs play karna chahte hai, to aap headphone se pehle ki tarah songs ko play kar sakte hai.


SplitCloud split


Dosto, kahi bar aisa hota hai ki hamara koi friend headphone ka ek side cheen kar apne kaan me rakh deta hai. Agar humara song pasand aaya to theek, warna woh hamari pasand ka song change kar ke apni choice ka gana sunta hai. To aisi situation me hum is App ka use kar ke apna favourite gana sun sakte hai. Aur friend ki choice ka song bhi chalta rahe ga. No rook tok.



Headphone ke har ek side me do tarah ke songs sunne ke liye SoundCloud par jaye. Ye App bahut hi achi hai jo aap ko ek sath do alag-alag gana chalane ka mauka deti hai.


SoundCloud ke bare me aap ne suna hi hoga. Waha par aap harazu gaane search kar ke is App se play kar sakte hai. Dosto, aap ko shayed yakeen nahi hoga ki ye App donu music player ka playback separately control karta hai. Ye aap par depend karta hai ki kaun sa side play/pause karein. Agar aap chahe to only ek player ka use kar ke single song sunn sakte hai.


Steps to Play Different Songs On Each Side of iPhone:

Ab main is App ko use karne ka tarika bata deta hu. Bas steps ko follow kar ke songs enjoy kare.

  1. Sab se pehle SplitCloud ko apne iPhone me install kare
  2. App ko install karne ke baid ise launch kare
  3. Jaise hi SplitCloud open hoga, aap ko neeche Split ka option dikhe ga
  4. Is option ko select kar ke, do alag-alag music players screen par show ho jayein ge
  5. Note: Har ek music player ke right side me search icon miley ga. Is se aap songs search kar sakte hai.

  6. Donu music player me song ko search kar ke play par click kare
  7. Agar aap only one side music player use karna chahte hai to left/right option ka use kare

Aap har ek player par playback ko separately control kar sakte hain, jaise ki play, pause, previous aur next. Itna hi nahi, balki aap har ek player ki playlist me different songs ko add kar ke future me unhe sunn sakte hai.


Agar aap ko song play karne me koi problem ho rahi hai ya phir App use karna mushkil lag raha hai, to comments me likhen. Main aap ko solution bata du ga kyun ki main SplitCloud ko bohut bar use kar chuka hu.

Advertisement


Advertisement

Tags