logo

Advertisement

Ek Android Ko Dusre Android Me Clone Kaise Kare

Market me naye smartphone aane ki waja se hum apne smartphones change karte rehte hai. Lekin, smartphone change karne se hum purane phone ka storage data ya to delete kar dete hai ya phir PC par backup karte hai. Yeh achi baat hai ki purana Android bech dene se pehle storage data delete kare taki aap ka data misuse na ho. Dosto, phone delete karne se behtar hai, ki hum purane phone ka data naye phone me transfer kare. Yadi aap pura storage data backup karna chahte hai, to iske liye technical guru hona zaroori nahi hai.

clone one android to another

Isse pehle bhi aap ne backup try kiya hoga lekin old backup tarikon se complete data transfer nahi ho sakta hai. Main aap ko ek simple tarika batane ja raha hu jis ki madad se aap old phone ko naye phone me Clone kar sakte hai. Clone karne se aap ka A-Z storage data naye phone me transfer ho jayega.



Android Smartphone Ko Dusre Android Me Clone Kaise Kare

Clone karne ke liye aap ko only ek App ki zaroorat hai jiska naam CLONEit hai. Yeh App kisi bhi Android phone ko Clone kar sakta hai. Is App ke zariye, Android phones ko badi aasani ke sath clone kiya ja sakta hai. To chaliye dosto ab steps ko follow karke Android phone Clone karna sikhte hai.


Step 1. Sabse pehle CLONEit App Android phone par download karke install kare. CLONEit App ko dono phone par install kare.


Step 2. Install karne ke baad, dono mobiles (sender aur receiver) par CLONEit App एक एक करके open kare.


Step 3. Ab CLONEit App ke mukhy menu se "Sender" option Tap kare (Sender option old phone par Tap kare). Naye phone par data receive karne ke liye Cloneit App ke menu me "Receiver" option Tap kare.


Step 4. Sender aur Receiver options par Tap karne ke baad "Sender" phone "Receiver" phone ko SHAREit App ki tarah scan karna shuru karde ga.


Step 5. Scanning ke baad, "Sender" (old) phone par "Receiver" (new) phone ka naam CLONEit App screen par show hoga. Dono devices ko Pair karne ke liye "Receiver" phone ke naam par Tap kare.



Step 6. Ab pairing hone ke baad dono mobiles par HotSpot automatically activate ho jayega. Kyon ki storage data hotspot ke zariye send aur receive ho jata hai.


Step 7. Finally, purane phone ka storage data naye phone me transfer hona start ho jayega. Data transfer hone tak wait kare. Jitna jyada data size hoga utna hi jyada samay cloning me lag jayega. Yadi data size kam hoga, to cloning me only kuch minutes lagenge.


Yeh sab karne ke baad, purane phone se SMS, MMS, phone book contacts, Apps, system settings, photos, videos, aur audios naye phone me transfer ho jayega. Itna hi nahi, balki CLONEit App ki madad se call logs bhi naye phone me transfer ho jayenge jis se dialled calls, missed calls, aur received call logs naye phone me access kar sakte hai.



Best Android Clone Apps

Android smartphone clone karne ke aur bhi bahut sare tarike hai jinka upyog karke storage data backup kiya ja sakta hai. In me se ek "USB Backup" App hai. Yeh Android me ek in-built feature hai jis ke zariye media files ko Pendrive me backup kiya ja sakta hai. Maine neeche kuch ache Android clone Apps mention ki hai. Yeh Apps ek dusre se different hai. Koi interface ki waja se different hai to koi different tarike se Data clone karta hai.

  1. Parallel space
  2. SHAREit
  3. Copy My Data
  4. App Cloner
  5. Do multiple

Maine kuch din pehle naya phone liya ;) tab mere dimag me cloning ki baat aa gayi. Phir maine socha ki aap ke sath Android cloning ke bare me post share karu taki aap naya phone lete samay SMS, media files, aur अन्य storage files aasani ke sath clone kar sake.

Advertisement


Advertisement

Tags