logo

Antivirus Ke Bina PC Virus Ko Remove Kaise Kare

Computer me virus do tarikon se enter hota hai jaise infected USB devices attach karne se, malicious softwares install karne se aur Internet browsing se. PC virus hamare computers ko infect karne me koi kasar nahi chhodta hai. Is se humara computer slow kaam karta hai. Is ke alawa, kuch viruses bahut hi dangerous hote hai jo humare local disk aur web browsers se data chori karte hai. Itna hi nahi, balki PC virus operating system ko puri tarah se corrupt bhi kar sakta hai.

remove PC virus without any software

Virus ko remove karne ke liye antivirus ki zaroorat padti hai. Lekin main is post me aap ke sath kuch aise tarike share karne ja raha hu jinse bina kisi antivirus ke PC se virus remove kiya ja sakta hai. Agar aap ka laptop/desktop slow kaam kar raha hai, to aap ke PC me virus, insufficient storage, ya RAM issue ho sakta hai. Lekin slow PC infected files ka karan bhi ho sakta hai. Virus remove karne ke baad agar PC phir se slow ho jaye to is ke bahut sare karan ho sakte hai. Aye sikhte hai ki computer se virus kaise nikala ja sakta hai.



Remove Computer Virus Without Any Antivirus

Computer se virus nikalne ke liye main kuch aasan tarike batane ja raha hu. Aur aapko antivirus install karne ki zaroorat bhi nahi padegi. In tarikon ko follow karne ke baad aap ka PC fast kaam karna shuru kar de ge.


1. Remove PC Viruses, Using Command Prompt

Windows Command prompt (CMD) ek bahut hi faide mand application hai jis se na keval computer virus remove ho sakta hai bakli command-line interpreter se hum computer ko operate kar sakte hai. command-line interpreter se VLC player bhi operate kiya ja sakta hai. Is post mein hum virus ko remove karne ke liye cmd.exe ka upyog karne ja rahe hai.


Step 1. Sabse pehle start button par click karke "cmd" type kare. Is ke baad cmd icon par right click karke "run as administrator" select kare.


Step 2. Run karne ke baad, cmd open ho jaye ga. Ab cmd me woh drive select kare jaha aap virus ko remove karna chahte hai. For example, agar aap E drive me virus remove karna chahte hai to cmd me dir E: attrib -s -h /s /e *.* type kare. इसी प्रकार, agar aap D drive se virus remove kara chahte hai to cmd me dir D: attrib -s -h /s /d *.* type kare.


Step 3.Command type karne ke baad, Enter key press kare aur Ab command prompt select ki gayi drive ko explore karke files load kare ga.


Step 4. Finally, ab cmd me असामान्य .exe ya autorun.inf files ko gaur se check kare. Agar koi unusual file mil gayi, to use cmd ke sath rename kare (filename.extension)



2. Disable Services in Windows Task Manager

  1. Task manager ko open karne ke liye CTRL + SHIFT + ESCAPE ya CTRL + ALT + DELETE press kare
  2. Ab "services section" me unusual tasks select karke "End" par click kare
  3. Is ke baad, start button par click karke "run" search kare
  4. Jaise hi run dikhai dega, to us par left click kare
  5. Run par click karne ke baad "MSConfig" type karke "OK" press kare
  6. Ab MSConfig box me ja kar "service" tab par click kare
  7. Agar "services" me koi suspicious ya unwanted service dikhai de, to use uncheck kare
  8. Ab next tab "Startup" par click karke suspicious aur unwanted file location check kare. Aap yeh location "Startup" ke "command section" me dekh sakte hai
  9. Finally, command prompt me ja kar file name ko rename kare. File rename karne ke liye pehla tarika repeat kare


Scan Files Using Online File Scanners

Online scanners ki madad se aap file ko scan kar sakte hai. Is ke alawa, kisi website ka URL enter karke web pages ko scan kar sakte hai. Online scanners se viruses, worms, trojans aur baki viruses ko badi aasani ke sath detect kiya ja sakta hai. Maine neeche kuch online scanners ke naam diye hai jin ka upyog karke aap koi bhi infected file detect kar sakte hai.


Aap neeche gaye list ko dekh sakta hai jaha maine kuch websites ka naam mention kiye hai jin ki madad se PC virus ko easily remove kiya ja sakta hai.

  • www.virustotal.com
  • metadefender.opswat.com
  • www.virscan.org
  • virusscan.jotti.org
  • nodistribute.com
  • virusdesk.kaspersky.com

PC Virus Online Detect Kaise Kare

Computer virus offline remove karne ke alawa, online bhi remove kiya ja sakta hai. Virus ko online remove karne ke liye drive ko virus removal website par scan kiya jata hai jaha yeh website infected drive ko scan karke virus remove kar sakte hai.

  1. Sabse pehle kisi ek online scanner par jaye. For example virustotal.com
  2. virustotal.com par ja kar sahi option select kare. Jaise URL, File, ya Search
  3. URL option select karne se aap kisi bhi website ko scan kar sakte hai. "File" option select karke files ko scan kiya jata hai aur "search" select karne se IP address scan kiya jata hai
  4. Yaha baat ho rahi hai files ki, to "file" select karke PC se file upload kare. Yaad rahe file size 128MB se ziyada nahi honi chahiye

Important Note: Files upload karne se; file se juda confidential data expose ho sakta hai. Maine ye websites aap ki सुविधा ke liye mention ki hai. Maine in websites par new files create karke only TEST ke liye istemal ki hai. Agar aap website par trust karte hai to aap files scan kar sakte hai.


To friends, ye tha aaj ka topic jis me maine bina antivirus, computer virus remove karne ke kuch tarike discuss kiye. In ka upyog karne se aap ka PC safe rehne ke sath-sath fast chal sakta hai. Aur operating system bhi corrupt hone se bach jata hai.


We're Listening:

Koi bhi question ho jaise Smartphone, Laptop, camera, Internet, SEO, Battery, Softwares, Apps... Just use #TechLekhak hashtag anywhere on social media like Facebook, Twitter, Instagram, or LinkedIn.
Subcribe to Our Tech Updates

and Share on