logo

Advertisement

Computer Mein Duplicate Files Remove Kaise Kare

Aap ko pata hi hoga ki computer me copy paste function ka upyog karne ke karan humare folders mein bahut sari duplicate files exist hote hai. Duplicate files ki wajah se computer ki space bekar mein waste ho jati hai aur hamara PC Low space ke karan slow kaam karta hai. Aaj main aap ke sath ek trick share kar raha hu jis ki help se aap apne Desktop/Laptop mein duplicate files ko khoj kar remove kar sakte hai.

remove duplicate files in pc

Duplicate files remove karne se PC ki space kafi had tak badh jati hai. For example, agar hamare PC mein koi mp3 ya mp4 already exist hai to same folder mein same file paste karte samay PC screen par "file already exist" warning show ho jata hai. But dosto, agar hum same folder ke bajaye dusre folder mein same content wale files paste karenge to us samay warning show nahi hota hai jiski wajah se hume pata hi nahi chalta hai ki PC ke different folders mein duplicate files paste ho rahe hai.



Main ne is post me kuch working methods mention kiye hai jin ki madad se aap apne PC me duplicate files ko badi aasani ke sath khoj kar inhe remove kar sakte hai. Yeh sabhi methods bahut hi easy aur FREE hai.


To chaliye friends, ab yeh seekhne ki koshish kare ki computer me प्रतिलिपि files ko find plus remove kaise kare. प्रतिलिपि files ko remove karne se pehle apne PC ki space note kar ke rakhe taki remove karne ke baad aap yeh pata laga sake ki duplicate files ko remove karne se kitni space FREE ho gayi hai.


PC Mein Duplicate Files Remove Kaise Kare

Is method ki madad se duplicate files ki "file location" khoj kar inhe delete kar sakte hai. To aaiye pehle method me diye gaye steps follow kar ke duplicate files ko delete kare.



1. Duplicate Files Finder

Duplicate Files Finder software aise files ko delete karne mein help karta hai jin mein same contents hota hai. Yadi aap different files ko same name rakh kar is application ko confuse karne ki soch rahe hai to ye software complex algorithm ki wajah se badi aasani ke sath ye pata lagata hai ki files me same name hai but contents different hai. To aisi situation mein ye application files ke contents ko compare karke aise files ko duplicate na hone ka result show karta hai.


Step 1. Sabse pehle Duplicate Files Finder ko download aur install karke is software ko apne PC par launch kare.


Step 2. Software ko launch karne ke baad folders ko one by one select karke scan karke duplicate files khoj lein. Folder select karne ke baad right side me "add" option par click karke directory path scan kare aur finally OK par click kare.


Step 3. "OK" par click karne se select kiya gaya folder scan hona shuru ho jaye ga. Scanning ke samay ek message box bhi show hoga jaha duplicate file ki directory path show ho jayega. Actual path me ja kar duplicate file ko delete kare.



2. Digital Volcano Duplicate Cleaner

Duplicate Cleaner na keval duplicate files ko khojne mein help karta hai but yeh software "home hard drive ya corporate network" jaise contents ko व्यवस्थित karta hai. Duplicate Cleaner folders mein deep scan karke kisi bhi duplicate file ko search kar sakta hai jaise Mp3, Mp4, Photos aur documents.


Step 1. Sabse pehle Duplicate Cleaner program ko download karke install kare.


Step 2. Installation hone ke baad software ko open karke "Start Scan" par click kare. Aisa karne se Duplicate Cleaner software pure PC ko scan karne mein kuch samay mein complete scan karta hai kyon ki ye program Antivirus ki tarah deep scan karta hai.


Step 3. Scanning start karne ke baad kuch minutes tak wait kare. Jaise hi process complete ho jayega, software ke screen par duplicate files show ho jayenge jinhe aap file path mein ja kar delete kar sakte hai.



3. Using CCleaner

CCleaner duplicate files scan karne ke alawah, junk files ko bhi delete kar deta hai. Yeh ek bahut hi powerful tool hai jo hamare computers ko aur bhi secure aur clean kar deta hai. Yedi aap junk files ko bina kisi rok tok remove karne ki soch rahe hai to CCleaner ek bahut hi achi choice hai.


Step 1. CCleaner ko upyog karne ke liye is software ko download karke apne operating system par install kare.


Step 2. Install karne ke baad software ka interface show ho jayega jaha par aap PC ko analyze karke clean kar sakte hai.


Step 3. Ab left panel me "Tools" option par click karke "duplicate file finder" option select kare. Aur is ke baad folder ya drive select karke duplicate files ke liye scan kare.


Step 4. File select karne ke baad "search" par click kare. Aisa karne se CCleaner software PC mein pade duplicate files ko show karega aur in files ko delete karne ke liye file path mein jane ki zaroorat bhi nahi hai kyon ki CCleaner mein duplicate files ko delete karne ka option bhi hai.


Dosto, is tarah se PC mein duplicate files ko delete kiya ja sakta hai, Is ke alawa, files ko delete karne ke liye aur bhi softwares available hai jaise Easy Duplicate Finder aur VisiPics. Yeh dono Apps any softwares ki tarah powerful aur easy hai.


Duplicate files ko manually bhi search kar sakte hai but is ke liye kafi samay waste ho jata hai isi liye manually remove karne ke bajaye softwares se hi remove kare aur yeh ek acha option hai jo duplicate files ko easily delete kar sakta hai.


I hope ki aap ko yeh post pasand aaya hoga. Agar aisa hi hai to is post ko apne friends aur co-workers ke sath share kare aur unhe bhi duplicate files ko delete karne me help kare.

Advertisement


Advertisement

Tags