logo

WhatsApp Business Account Create Kaise Kare

Aaj ke post hum mein hum WhatsApp Business create kare ke bare mein sikhne ke alawa, yeh bhi jaane ki koshish karenge ki WhatsApp Business App aur WhatsApp regular App mein kya difference hai. Yadi aap Business owner hai to regular WhatsApp use karne ke bajaye WhatsApp Business hi use kare kyon ki Business account create karne ke bahut sare fayde hai.

WhatsApp Business App

Currently, WhatsApp Business App keval Android users ke liye available hai. Yadi aap ke paas Android smartphone hai to aap WhatsApp Business account create karne ke sath-sath apne business ko manage bhi kar sakte hai. Business App par aap apne business ko kafi had tak grow kar sakte hai. Is App ki madad se aap apna personal profile business mein transfer kar sakte hai ya phir dono profile ek sath manage kar sakte hai.



How to Register and Setup WhatsApp Business Account

Business account create karne ke liye aap ke paas android phone hona chahiye. Business App ko install karne ke baad aap ke paas do options hai. Ya to aap apna regular account business account mein migrate kar sakte hai ya do different numbers ke madad se personal profile aur professional profile dono ko manage kar sakte hai. Personal profile ko migrate karne se regular account ki chat history business account mein transfer ho jayega.


To aaiye dosto ab hum business account create karna sikhe ge jo ki bahut hi easy aur simple hai.



Step 1. Sab se pehle play store se WhatsApp Business App install kare. Is ke baad, App ko open karke mobile number enter kare. Yadi aap alternate number enter karenge jo regular WhatsApp par register na ho, to aap dono account use kar sakte hai. But agar aap regular WhatsApp ka number enter karenge to aap ka regular WhatsApp account business account mein automatically transfer ho jaye ga.


Step 2. Mobile number enter karne ke baad, WhatsApp Business App, enter kiye gaye number par OTP (one time password) send kare ga jis ki madad se aap apna business account verify kar sakte hai.


Step 3. Number verify hone ke baad, Business name enter karke professional account create kare. Yadi aap wrong business name enter karenge to is naam ko baad mein settings mein ja kar ise change bhi kar sakte hai jaise regular whatsapp settings mein name ko change kiya jata hai.


Step 4. Is ke baad WhatsApp aapko homepage par redirect karega jaha aap Chat, Status, Calls, Replies aur Business description setup kar sakte hai. Business details enter karne ke liye, upper right corner par three-dots par click karke "Business Settings" mein jaye.


Step 5. Is ke baad, profile settings mein business logo (jaise image, icon etc.) add kare. Image upload karne ke alawa, Business address aur business website address bhi add kare.


Step 6. Apne business ko professional look dene ke liye, business category add kare. Business category mein automotive, Professional service, Non-profit organization, clothing, finance, restaurant, transport etc. add kar sakte hai. Ab bari hai working days ki. Working days mein opening days aur opening hours add kar sakte hai jis se yeh pata chalta hai ki aap ka business kis time open rehta hai.


Step 7. Is step mein "Quick Replies" par tap karke Facebook page ki tarah auto replies activate kare. Aisa karne se ye faida hai ki agar aap ko koi vyakti WhatsApp par message karega jab aap offline rehte hai, to WhatsApp auto replies vyakti ki message ka automatically reply kare ga. "Quick Replies" ko customize karke apne business ke according reply message ko edit kare. Ya phir default message ka upyog kare.


Step 8. Quick replies ke alawa, messaging tool mein greeting message bhi add kar sakte hai. Yadi koi vyakti aap ko WhatsApp par ping karega to "Greeting messages" add karne se us vyakti ko automatically greeting message send ho jayegi. Greeting message ko Welcome message bhi kehte hai. Aap welcome message ko apne according customize kar sakte hai.


WhatsApp Business mein woh sare features hai jo regular WhatsApp App mein hote hai. Regular App ki tarah last seen, profile photo aur status ko hide bhi kar sakte hai. Jaha tak security ki baat hai, Business App mein bhi end-to-end encrypted messages send aur receive kiye jate hai jaise regular App mein hai. Aap aisa samjhe ki regular App se ziyada Business App achi hai kyon ki ise do fayde hai. pehla: business ko badhawa mil sakta hai aur dusra ye ki Business App mein regular App ke muqable mein zyada features hai jaise quick replies, website address, business address, statistics, messaging tools etc. jo ki regular App mein available nahi hai.



WhatsApp Web

Jaisa ki hum sab jante hai ki regular WhatsApp ko desktop web browser ki help se chatting kar sakte hai aur Business App mein ye feature bhi available hai. WhatsApp web use karne ke liye regular App ki tarah activate kar sakte hai. Aur aisa karne se aap business account ko web browser se manage kar sakte hai.


Kya yeh sab kafi nahi hai? agar Business App mein kisi cheez ki kami hai to woh hai "chat labels" ki. Main aapko Good news batane ja raha hu ki WhatsApp ne "Chat Labels" ko officially introduce kiya hai jis ki madad se different conversations ko blog posts ki tarah category mein add aur manage kar sakte hai. chat labels mein – new customer, new order, pending payment, paid aur order complete, aur har ek label mein different colors ka upyog kiya gaya hai jis ki help se conversations ko easily recognize kiya ja sakta hai. Maze ki baat yeh hai ki in Labels ko edit karne ke alawa, new labels bhi add kiye ja sakte hai aur colors bhi customize kar sakte hai.


To friends ye tha aaj ka topic jis mein maine WhatsApp business account create karne ke alawa, is ke features bhi describe kiye. I think ki business App regular App se kahi guna zyada better aur professional hai. Agar aap apne business ko apne finger tips par manage karne chahte hai to Business App ek better option hai.


We're Listening:

Have any questions, concerns or feedback about this article? Share it with us on Facebook, Twitter, Instagram, or our LinkedIn Group.
Subcribe to Our Tech Updates

and Share on