logo

What is SMiShing in Hindi | Smishing Kya Hota Hai?

Aaj kal smartphones me web browser hone ki wajah se cyber criminals ne "phishing" ke alawa aur ek technique khoj li hai jis se vyakti ko behka kar scams ka shikaar bana dete hai. Aur aise me vyakti ko yeh samajh me nahi aata hai ki aakhir me in scams se khud ko safe kaise rakh saku. Aaj me aap ke sath ek Internet term share karne ja raha hu jis ko smishers use karke kisi vyakti ko target karte hai. Is terms ka naam SMiShing hai.

What is Smishing in Hindi

Smishing term "Phishing" ka updated version hai aur yeh version phishing se different hai. Lekin aage badhne se pehle me phishing term ko thoda bahut explain karne ja raha hu kyon ki is ke bina Smishing ko understand karne me thodi bahut mushkil hogi. Dosto, phishing ek tarah ka fake web page hota hai jiska upyog hackers kisi vyakti ko is webpage ki link Email ya kisi social media network se send karte hai. Jab vyakti is link par click kaarta hai to waha original page ka design show hota hai jo ki real me fake hota hai.



For example, agar cyber criminal, Facebook ya bank website ka fake web page create karta hai to woh is web page ka link kisi vyakti ko send kar deta hai aur jab woh vyakti link par click karta hai to usko woh fake page real page ki tarah dikhta hai aur anjaane me woh vyakti is phishing page par apne login detail enter kar leta hai aur woh login details hacker ke paas pohanch jatai hai. Smishing bhi isi tarah ka ek scam hai.


Definition of SMiShing

Smishing ek fake web page hota hai aur is web page ko create karne wale ko "Smisher" kehte hai. Smishing ko email se send karne ke bajaye, SMS me send kiya jata hai isi liye is ka naam "Smishing" rakha gaya hai jo 2 words ko combination hota hai SMS + Phishing = Smishing. Jab hum SMS me kisi link par click karte hai to woh link mobile web browser me open hota hai aur isi baat ka faida utha kar Smishers ne Smishing scam start ki hai.


Smishing me Smishers vyakti ko social engineering ki madad se mislead karke use link par click karne ko majboor kar dete hai jaise "Click the link and avoid $1000 etc. loss" ya "click the link and win a car". Is ke alawa, Smishers khud ko Bank ya kisi registered company, organization, department, agency ka adhikari bol kar aadmi ka vishwas jeetne ki koshish karte hai. Aap ne bahut bar SMS me dekha hoga ki sabhi company, organization, department, agency apne SMS me hamesha ye likhte rehte hai ki "hamara koi bhi adhikari kisi vyakti ka confidential details kabhi nahi puchta hai aur agar hamara स्टाफ के सदस्य aapki personal information pooch le to usy bhi na bataye".


Phishing aur Smishing me bas is baat kar difference hai ki Phishing ko email ke madhyam se send kiya jata hai aur Smishing ko SMS ke madhyam se send kiya jata hai. Bas isi baat ne in dono techniques ko 2 terms me divide kar diya hai otherwise yeh dono scams same hai.


Smishing Se Kaise Safe Rahe

Smishing se bachne ke liye wohi solution hai jo Phishing me hai. In general, yadi aap ko koi संदेहजनक SMS mil jaye to SMS me diye gaye Link par click karne se pehle original website ka Link match kare. Yadi dono links me zara sa bhi difference ho, chahe to letters, characters, dashes, ya phir numbers ka kyon na ho, aise link par kabhi bhi click na kare. Link send karne ke alawa, Smishers phone calls bhi karte hai jis me woh vyakti ki details collect karke uski information ka misuse karte hai. To aisi situation me, aap apni confidential details kisi ko na de chahe woh original adhikari hi kyon na ho. Confidential information me Credit card number, Bank account number, Passport Number, Aadhaar card number, Apna DOB (date of birth) etc. shamil hai.


To ab aap Smishing ko identify kar sakte hai? I hope ki aap ko ye post pasand aaya hoga. Agar aap is post ko understand nahi kar paye to please comments me likhe aur main aap ko aur bhi example de kar samjhane ki koshish karunga. Main phir se ek baar repeat karta hu ki apni personal information kabhi bhi kisi ko na de chahe woh real adhikari hi kyon na ho.

Advertisement

Advertisement

Tags