logo

Top 5 Anonymous Web Browsers 2018 - in Hindi

Anonymous internet browsing: Internet par safe aur secure rehne ke liye hum VPN ka use karte hai. But VPN me limited data hone ki waja se inhe effort karna possible nahi hota hai. That's why aaj main free anonymous web browsers ke bare me baat karunga. In softwares ka upyog karke Internet par safe aur secure browsing kar sakte hai. Aap Free trial me bhi paid softwares ka faida utha sakte hai.

anonymous web browsers

Internet par bahut sare scammers, thieves, frauds aur hackers hone ki wajah se online safety ek important aur challenging privacy concern ban chuka hai. Jaisa ki aap jante hai ki net par credit cards, bank details, emails aur passwords hijack hone ke kafi chances rehte hai. Online security maintain karne ke liye na keval VPN, browsers aur any tools kafi hote hai, hume khud bhi dangerous sites se bach kar rehna chahiye. Is chakar me hum aise anonymous softwares ka upyog karte hai jo hamare internet speed ko slow karne me koi kasar nahi chhodte. But ab aisa nahi hoga. Kyon ki main aapko aise tools ke naam batane ja raha hu jo fast aur private internet surfing pradaan karte hai.


Top 5 Anonymous Web Browser 2018

Aaj ke post me hum fast aur private applications ke bare me baat karenge jinka upyog karke net par safely kaam kiya ja sakta hai. Itna hi nahi, balki ye tools secure downloading bhi provide karte hai. For example, agar hum internet par ki infected file download karne ki koshish karenge to Google chrome jaise application aise files ko download hone se block kar deta hai. To aaye friends, ab anonymous apps par ek nazar dalte hai.


1. Tor Browser

Tor browser ka naam aap ne bahut bar suna hoga. Ye software Tor network ki madad se hamare internet connection ko untrackable bana deta hai. Jab sab kuch untrackable rehta hai to hackers kaise sensitive data chori kar sakte hai? Aap khud imagine karo ki Tor network ko dark web par use kiya jata hai aur government abi tak black marketers ko puri tarah se dhoondh nahi pa rahi hai. In short, tor browser ka upyog karna allowed hai kyon ki ye safe, private, secure bridge aur fast browsing provide karta hai. Tor web browser har kisi OS ke liye available hai jaise Android, Win OS, iOS, Mac, Linux etc.


2. Comodo Dragon

Agar aap internet par sensitive data ko send aur receive karte rehte hai to aap ke liye aise tool ki zaroorat hai jo aapka data safely transmit kar sake. Yadi aap meri baat se satisfy hai to Comodo Dragon aap ke liye ek best option hai jo tor alternative software hai. Comodo Dragon extra security add karta hai jiski help se hum apni online security maintain rakh sakte hai.


3. Ghostery

Ghostery do options me available hai. Ek browser extension aur second, mobile application. Ghostery
hamare data ko encrypt karke iske untrackable aur unidentifiable bana deta hai. Yadi aap meri tarah Google chrome ke fan hai to Ghostery extension ko chrome par install kare aur high-level security net ko enjoy kare. Agar aap Ghostery tool ka test karna chahte hai, to Ghostery ko install karke emails ko send aur receive kare. Iske baad, email header open karke IP address check kare.


4. Dooble

Dooble browser cross-platforms ke liye available hai jiska upyog karne se aap internet par bina tension surfing kar sakte hai. Dooble software me extra features available hai jo dusre browsers me dekhne ko nahi milte. Main is browser ke bare me 15 reviews read kar chuka hu aur 15 reviews me se 12 reviews positive mile aur any do negative. But jaha tak mujhe maloom hai, Dooble browser high-level online security provide karne me no. 1 hai.


5. Armorfly

Armorfly application ke bahut sare features hai jo by default apply hote hai aur aapko manually kisi bhi setting ko configure karne ki zaroorat nahi padti. Armorfly App se na keval safe browsing kar sakte hai, but ye safe downloading bhi provide karta hai. Is browser ke kuch features maine detail me cover kiya hai.


Safe browsing: Internet surfing karte samay hum aise sites se guzarte hai jo background me malicious javascript run karte rehte hai. Ye browser aise site ke liye highly secure hai kyon ki Armofly bad JS ko block kar deta hai.


History cleaner: Net surf karne ke baad hum history ko clear karna bhul jate hai. But is software ki help se ab history ko clear karne ki zaroorat hi nahi padti hai. Armorfly browser exit karte samay net history automatically clear ho jati hai.


Private vault: Browsing ke alawa aur bhi ek important feature hai jo hamare data ko chori hone se bachata hai. Agar koi vyakti Armorfly ke dwara files download karta hai to ye app download ki gayi files ko automatically "password protected" folder me save kar deta hai. Ye folder bina password open hone ka naam hi nahi leta hai.


Bonus Tip

Anonymous software download karne se hamari online security improve ho jati hai jiski madad se hamara IP address invisible, hide aur untrackable rehta hai. Agar Chrome ki baat ki jaye, to is browser ko bhi incognito mode me switch karke apni identity hide rakh sakte hai. Iske alawa, Firefox me bhi incognito mode select kar sakte hai. In sabhi tips ko follow karne ke baad, khud ko online scammers se safe rakha ja sakta hai.


Online security ke bare me un logo se puchiye jo online fraud ke victim bane hai. Is liye total anonymous rehne ke liye anonymity web browsers, VPN, aur any secure tools ka upyog karna chahiye. Aaj ke liye bas itna hi kafi hai. Agar aapko ye article pasand aaya to kripya is post ko apne friends ke sath share kare.


We're Listening:

Koi bhi question ho jaise Smartphone, Laptop, camera, Internet, SEO, Battery, Softwares, Apps... Just use #TechLekhak hashtag anywhere on social media like Facebook, Twitter, Instagram, or LinkedIn.
Subcribe to Our Tech Updates

and Share on