logo

Dark Tequila Kya Hai? What is Dark Tequila in Hindi

Friends, aaj main aapke sath latest computer malware ke bare me jankari share karne ja raha hu jiska naam Dark Tequila hai. Dark Tequila ek bahut hi clever and advanced computer malware hai jo ek sath bahut sare functions karta hai. DT computer malware ke evidences aap The Next Web aur SC Magazine par confirm sakte hai.

Dark Tequila Malware

Computer technology me bahut jyada development hone ke sath-sath is technology ki security weaknesses bhi badhti ja rahi hai. Halanki is technology ke liye virus defender softwares already banaye ja chuke hai but in softwares ki ek problem ye hai ki in me latest malware detect karne ke strong modules available nahi hote hai jis ke karan new computer malwares hamare machines ko dekhte hi dekhte infect kar deta hai.


Dark Tequila Kya Hai?

Dark Tequila 6 modules par function karta hai aur ye modules is tarah se design kiye gaye hai jo previous versions se zyada powerful aur clever hai. Ye modules users ke machine me is tarah se run karte hai ki infected computer as usual work karta hai jis se malware ko detect karna difficult kaam ban jata hai. Computer technology ki history me malwares ne aaj tak bahut data chura liya hai jis me usernames, passwords, credit card details etc. available hai.


Read Also:


To friends, ab main Dark Tequila ke modules ko explain karne ja raha hu taki aapko is dangerous malware ke bare me puri tarah se pata chal sake.


1. C&C: Command and Control Dark Tequila malware ka ek important hai jo Internet Relay Chat (IRC) ka upyog karke infected machine aur server ke beech communication karne me help karta hai. Is communication ke davraan jo monitoring hoti hai woh man-in-the-middle attack se kiya jata hai taki infected computer me malware analysis ka bachaav kiya ja sake. Is communication me jo bhi activities hoti hai un sabhi ko Dark Tequila record karta hai aur finally man-in-the-middle attack technique use karke financial information chori karta hai.


2. KeyLogger: Keylogger module user ke computer se system login information, keystroke logs se chura leta hai. Ye module pure system ko monitor karne me laga rehta hai. Aap yun samjhe ki keylogger user ki machine par 24/7 nazar rakhta hai ki ye kab, kaha aur kaise login credentials use karta hai aur finally pura data chura leta hai. Churaye gaya data me financial credentials hote hai.


3. Information Stealer: Information Stealer module user ki banking passwords ko emails aur FTF files se extract karke chura leta hai jo ki Keylogger me nahi hota hai. Aap andaza laga sakte hai ki Dark Tequila ko kis tarah se design kiya gaya hai. Information stealer module apne network ki madad se churaye hue passwords hacker ko send karta hai.


4. USB Infector: USB Infector module ko removable devices ko infect karne ke liye design kiya gaya hai. Jab koi user apna USB drive infected PC se connect karta hai to ye module USB me automatically copy ho jata hai aur baad me dusre PC me USB plugged in karne par ye module dusre PC ko bhi infect kar deta hai. Jab hum Pen drive OR koi bhi removable storage apne PC me in karte hai to "Auto run" ON hone ki wajah se USB Infector module open hokar install ho jata hai. But agar aap auto run option ko OFF kar de to USB Infector work nahi kar sakta hai.


5. Service Watchdog:Service Watchdog module hackers ko ye dekhne me help karta hai ki computer par install kiya gaya malware properly work karta hai ya nahi. Ye module is malware ka bahut important part hai. Agar ye Service Watchdog module is malware me nahi hota to infected computer ki conditions pata karne me hackers ke liye difficult task ban jata.


Installation and Uninstallation

Dark Tequila malware ko victim ke PC par remotely uninstall kiya ja sakta hai aur install karne ke liye USB infector aur other techniques use kiye jate hai. Ye malware Kaspersky Lab ne uncover kiya hai jis ke evendances maine posts ke startings me hi mention kiya hai.


We're Listening:

Koi bhi question ho jaise Smartphone, Laptop, camera, Internet, SEO, Battery, Softwares, Apps... Just use #TechLekhak hashtag anywhere on social media like Facebook, Twitter, Instagram, or LinkedIn.
Subcribe to Our Tech Updates

and Share on