Monday, March 25, 2019

Duniya Ki Sabse Bhayankar Websites

Duniya Ki Sabse Bhayankar Websites

Agar aap soch rahe hai ki internet par भयंकर duniya nahi hai to aap bilkul galat hai. Internet ki duniya me real world se zyada khatra rehta hai kyon ki hum anjaane me kuch bhi kar dete hai. Main aapke sath dangerous website ke kuch naam share karne ja raha hu jin ka naam sunte hi hosh ud jate hai.

creepy websites

World me kuch websites aise bhi hai jinhe dekhne ke baad hume real me imagine hone lagta hai aur darr ki waha se din me bhi taare nazar aane lagte hai. Internet par har tarah ki websites hoti hai jinke bare me log tarah tarah ki batein karte hai aur main bhi aaj aapke sath kuch aisi hi websites share karunga taki aap internet ke bare me jankari hasil kar sake.

Warning: Agar aapko koi bhi aadmi unknown website dekhne ke liye recommend kar raha hai to aap se request hai ki aap aisi websites visit na kare. Internet par bahut sari achi websites hai aap un sites par ja kar kuch acha sikh sakte hai. Is post me di gayi website visit na kare aur agar aap visit karna chahte hai to aap se request hai ki aap apne parents ki permission lekar inhe daytime me dekhe aur in sites par click na kare.

The Purpose of this Article

Trust me, mere gmail address par kuch din pehle ek email aaya jo hotmail par bana tha. Us me kuch websites ke links diye the. Email sender ne bahut kuch likha tha. Mera yaqeen mano, maine jaise hi websites ko dekhna shuru kiya to mere hosh ud gaye aur mera mind puri tarah se disturb ho gaya. Baad me maine email sender ki emails ko block kar diya.

Agar aapko is tarah ka email aaye to bina soche samjhe links par click na kare. Maine ye article is liye likha taki aap creepy websites visit karne ki koshish na kare aur na hi dusro ko visit karne ke liye recommend kare. Is post ka upyog keval research, educational purpose aur self-defense ke liye likha gaya hai.

Aap ne दुनिया के सबसे खतरनाक भूतिया रेलवे स्टेशन aur प्रेतवाधित railway tracks ke bare me suna hoga lekin प्रेतवाधित websites ke bare me nahi. To ab shuru karte hai duniya ki sabse खौफनाक, khatarnak aur Bhayankar websites ki list jinhe dekh kar mera mind ek dam se परेशान ho jata hai.


1. Replehsnatas.com

replehsnatas.com ek aisi website hai jis ke bare me bahut sare controversial baaten mashoor hai. Kehte hai ki is website ko apni country time ke according keval aadi raat me access kar sakte the. Din ko open karne par ek bada box aa jata tha jis me likha rehta tha ki apna email address do aur aadhi raat ek game khelne aa jana. Agar email address de dete to phir ek ladki ka face samne aana shuru ho jata jo bahut hi khofnak hua karta tha.

Is website par di gayi images par click karte karte ek box show ho jata jisme likha rehta ki aap jisse badla lena chahte ho us ka naam box me likh do aur me uska dabla lungi aur iske badle me ye ladki visitor ke dreams me aaya karti thi.

Mysterious: Kaha jata hai ki aisa is website me sachi hota tha aur jis aadmi ka naam box me enter karte, woh aadmi dusre din mar jata tha.

Currently, is website par ab डरावने wala kuch bhi nahi hai jo pehle hua karta tha. Ab is site par ek aadmi hath me candle liye hai jis ka title "in memory of" rakha gaya hai.

2. Bestgore.com

Bestgore website par violent real-life news, photos aur videos hai jinhe dekh kar din me bhi darr lagta hai. Basically, is website par jo kuch bhi post kiya gaya hai woh real hai. Is website par murder, killings etc. ke images aur videos dekhne ko milte hai.

Aap se request hai ki is website par na jaye. Maine is site ko aapki knowledge badhane ke liye add ki hai. Bestgore me graphic violence hai jisko dekhne ke baad darr lagta hai.

3. Survivetheoutbreak.com

"Survive the outbreak" website ek game ki tarah hai jis me keval violence dekhe ko milta hai. Is game me horrible scene hai jisko dehne se dhadkan tez ho jati hai. Main aisi websites bilkul bhi visit nahi karta.

Survivetheoutbreak.com website ko visit na kare. Is website ko keval educational purpose ke liye post me add kiya gaya hai.

4. Sentimentalcorp.org

Sentimentalcorp.org website bhi ek khofnak website hai jis me ek aadmi kisi ladki ke sath beth kar TV dekh raha hota hai aur screen par keval "nothing" nazar aata hai. Website par darr ke alawa disturb karne wale images aur videos hai jinhe dekhna bilkul galat hai.

Internet par keval disturbing, horrible, aur creepy contents nahi hai balki har tarah ke contents milte hai jin ka upyog hum research field kar sakte hai. Agar aapka dil meri tarah kamzor hai to aap aise contents se door rahe kyon ki aise contents dekhne se mind aur heart par bura asar pad sakta hai.

Read other related articles

Also read other articles

© Copyright 2019 TechLekhak | All Right Reserved