Wednesday, March 20, 2019

Self-destructing Email Send कैसे करे

Self-destructing Email Send कैसे करे

Self-destructing emails se vyakti ke inbox ka email automatically delete ho jata hai aur iske alawa, jo vyakti email ko receive karta hai woh emails ko na download kar sakta hai na copy kar sakta hai aur na hi email ka print nikaal sakta hai. Kya aap aise hi emails send karna chahte hai?

Self-destructing Emails

Self-destructing emails pehle ke zamane me third-party websites ki madad se send kiya jata tha but gmail ke new features me ye option kafi time se available hai. Iska upyog karne se send kiye gaye emails ko auto delete mode me activate kar sakte hai.


Self-destructing Emails Ke Fayde

Agar aap koi important email kisi ko send karna chahte hai to security reasons ki wajah se aap gmail ka "confidential mode" activate karke bheje gaye emails ko specific time me auto delete kar sakte hai. Agar user ka email hack bhi ho jayega to aapka send kiya gaya email tab tak delete bhi ho jayega.

Confidential mode Functions: Downloading, print out, copy, paste aur email forwarding jaise functions disable ho jate hai yaneki, aap jisse bhi email karenge to woh user aapke email ko forward, download etc. nahi kar sakta hai.


Self-destructing Emails Kaise Kare

सेल्फ डिस्ट्रक्टिंग ईमेल send karne ke liye aapke paas gmail account hona important hai jis se aap ye email send kar sakte hai. Gmail account ready hone ke baad steps follow kare.

Step #1. Apne gmail account me login kare.

Step #2. Login karne ke baad, Compose par click kare.

Step #3. Compose window me vyakti ka email address enter karke, email subject, aur email body enter kare.

Agar aap apne email me attachment bhi add karna chahte hai to bina tension kar sakte hai. Agar aap chahe to email subject ko bhi blank rakh sakte hai. I mean, aapko jo marzi, email me add kar sakte hai jaise aap traditional emails me karte hai.

Step #4. Compose window ke neeche Confidential mode par click kare aur email ka expiry date set kare.

gmail confidential mode

Expiry date ko 1 day se lekar 5 years tak set kar sakte hai. For example, agar aap 1 day time set karenge to aap ka email vyakti ke inbox se 1 din ke baad automatically delete ho jayega. Isi tarah aap jitna time set karenge to utne samay ke baad email auto delete ho jayega.

Step #5. Confidential mode par click karne se 2 options aayenge.

No SMS Passcode: Is option ko select karne se email receiver ko Passcode ki zarorat nahi padti hai.

SMS Passcode: SMS Passcode ko select karne se aapko vyakti ko mobile number enter karna hai. Aur jab aap aisa karte hai to email ko view/read karne se pehle uske number par Passcode send kiya jayega taki only wohi aadmi aapke emails ko read kar sake.

gmail sms passcode

Email me message aane ke bajaye yehi show hoga aur Send Passcode ka option complete karne ke baad hi emails ko read kiya ja sakta hai. For instance, agar ek hi email par multiple users hai to aise me passcode ka option set karna acha rehta hai taki aap particular user ko email padne ki permission de rahe hai.

Passcode set karne se email ki security rehti hai aur aise me agar koi hacker vyakti ke email address ko hack bhi kar le ga to hacker ko email padhne ka chance hi nahi milega.

Self-destructing send karne ke liye gmail ka hona Must hai but email kisi bhi address par send kiya ja sakta hai chahe samne wala user hotmail user ho ya phir koi aur.

Ab aapko understand ho gaya hoga ki kaise aap सेल्फ डिस्ट्रक्टिव email send kar sakte hai aur woh bhi bina third-party software ke. But ek baat yaad rakhe ki is "confidential mode" mode me downloading, print out, copy, paste aur email forwarding functions disable ho jate hai lekin screenshot le sakte hai.

Read other related articles

Also read other articles

© Copyright 2019 TechLekhak | All Right Reserved