Sunday, April 07, 2019

Computer Me Recent Activity Check Kaise Kare

Computer Me Recent Activity Check Kaise Kare

Jaisa ki aap jante hai ki computer par jab bhi koi activity hoti hai to windows operating system us activity ko record karta hai jis se hame ye pata chalta hai ki hamare PC par konsi activity hui hai. Kya aap ne kabhi dekha hai ki aap ki gair maujudgi me aapke laptop ka misuse to nahi ho raha hai?

pc recent activity

Linux OS aur MacBook me bhi recent activity ka pata lagaya ja sakta hai lekin uske liye different method use karna padta hai. Jo bhi gatividiyan offline mode me ki jati hai, un sabhi ko ek hi jagah par access karke dekha ja sakta hai jisse aap apne data ko password ki madad se safe aur secure kar sakta hai.


PC Me Recent Activities Check Kaise Kare

In hindi, how to check recent activity in your PC: Recent activity ko offline aur online mode me check kiya ja sakta hai. Offline activity me media files ko check kiya jata hai aur online activity ko check karne ke liye browser data plus browser history se pata kiya ja sakta hai.

Recent Ghatividiyon Ko track karne ke liye diye gaye steps follow kare:


Method #1. Event Viewer

Event Viewer me administrative activities ke sath puri summary dekh sakte hai.

Step 1. Activity ko track karne ke liye Windows 10 ke Search bar me Event Viewer type kare.

Step 2. Event viewer par right click karke Log summary section me jaye jaha par sabhi ghatividon ko dekha ja sakta hai.


Method #2: Quick Access

Step 1. Desktop par computer icon par double click karke open kare. Icon ka naam My PC ya phir My Computer hoga jo PC icon represent karta hai.

Step 2. My PC me jane ke baad, left-side me sabse opar Quick access ke option par right click kare jaha par PC ki recent activity ko track kiya jata hai.

Is technique ka upyog karne se ye pata chalaya jata hai ki aapke computer par kis file ko edit, open, create, delete, ke alawa play kiya ja chuka hai. For example, agar koi vyakti aapke pc par songs aur video ko play karta hai to quick access me history ko badi aasani ke sath check kiya jata hai.

Agar koi aadmi aapke laptop/desktop par kisi file ya software ko download kar deta hai to iski jankari bhi quick access me mil jayegi.


2. Recent Online Activity

Online activity ko track karne ke liye 2 option hai, ek web browser history aur second browser data. Browser me aap ye dekh sakte hai ki aapke pc par kisi file/software ko download kiya ja chuka hai. Iske alawa, ye bhi check kiya ja sakta hai ki user ne kis website ko visit/browse kiya hai.

Step 1. Sabse pehle browser open kare (for example chrome).

Step 2. Browser open hone ke turant baad right-hand side ke upper corner me 3 dots par right click kare.

Step 3. Browsing history dekhne ke liye Ctrl + H press kare aur download history dekhne ke liye Ctrl + J press kare.

Recent gatividhiyan jaanchne se aap apne data ko surakshit rakh sakte hai aur ye bhi pata laga sakte hai ki aapki gairahajiri me aapke PC par kis tarah ke actions liye gaye hai.

Read other related articles

Also read other articles

© Copyright 2019 TechLekhak | All Right Reserved