Friday, March 30, 2018

Laptop Ka Battery Backup Kaise Badhaye

increase laptop battery backup

Jab bhi hum Laptop use karte hai to hamari nazar screen par rehne ke bajaye Battery par tiki rehti hai. Hume is baat ki chinta rehti hai ki abhi battery exhaust ho jaye gi. Aur jab se windows 10 market me aaya hai tab se battery ki fikar kuch zyada hi rehti hai. Windows 10 me kafi features hokar bhi hume yeh samajh me nahi aata hai ki battery ki life increase kaise ki jaye. Kuch loogu ka maana hai ki Windows 10 ki battery sahi nahi hai. Lekin jaha tak mujhe pata hai ki Win-10 operating system me sabse badhiya battery hai. Ye hamara दोष hai ki hume use karna nahi aata. Isme inbuilt options hone ki waja se battery life ko badi aasani se increase kiya ja sakta hai.

Aap ek se nahi balki 10 tarikon se battery backup badha sakte hai. Main ek-ek karke sabhi tareeke batane ki koshish karunga. Inhe follow kar ke Laptop ki battery save kar sakte hai. Ise aapke laptop par koi bura asar nahi pade ga. Balki battery bacha ke aap ka laptop acha performance kar sakta hai. Main is post me kuch battery tips share karne ja raha hu. Agar aap ke paas windows 10 ka Laptop hai to ye post padh kar aapne Laptop ki battery badha sakte hai.


1. Battery Saver Mode

Windows 10 me battery mode options ko use kar ke hum apne Laptop ki battery save kar sakte hai. Isme "Battery saver mode" aur "default mode" उपलब्ध hai. Agar aapka laptop power source (charger) se connected nahi hai to "Battery saver" ko activate kare. Saver mode se 15% "battery power" save ho jaye ga. Kya 15% kam hai? To Next option use kare.


2. Close Unnecessary Apps

Jab hum windows 10 ko ON karte hai to background me bahut sari Apps launch ho jati hai. Yeh windows 10 me badi samasya hai. Kuch Apps Internet se automatically connect ho kar humari battery ki band baja dete hai. In Apps ko close kar ke battery ko kafi had tak save kiya ja sakta hai.


3. Keep Your Laptop Clean

Machine ka use karne se pehle ise achi tarah saaf kare. Is ke alwa, Laptop ko shut down karke kisi saaf bag me rakhe. Ise aapka laptop saaf rahe ga. Agar Laptop me धूल chali jaye to battery par bahut bura asar parta hai. Dust particles ki wajah se Laptop ki performance bhi bigad jati hai.


4. Turn Off Network Connectivity

Agar aapka laptop Internet se connected nahi hai to us time Wi-Fi aur Bluetooth off rakhe. Computer par offline audios, video aur games enjoy karte time network connectivity OFF hi rake. Aisa karne se battery jyada time tak chalegi.


5. Unplug Optical Mouse

Optical mouse ko unplug karne se batter save hone ki poori guarantee hai. Optical mouse me lights hone ki waja se ye battery consumption karne me koi kasar nahi chhodta. Agar aapka mouse laptop se connected hai to batter kuch प्रतिशत jyada kharch hogi.

To friends ye thi kuch tips jinse aap apne Laptop ki battery increase kar sakte hai. Inhe ek baar try karke dekh lein. Mera yaqeen mano, aap ki battery bahut samay tak चलेगी gi. Aur Laptop ki performance bhi badhiya rahegi.

Thursday, March 29, 2018

Free Video Chat Software for PC (मुफ्त वीडियो कॉलिंग)

free video chat softwares for PC

Computer world me itni development ho gayi hai jise humari life poori tarah badal gayi. Aaj se 20 saal pehle humne socha bhi nahi tha ki hum door reh kar face to face baat kar payenge. Aaj kal computers ke liye aise softwares hai jinse hum bina rok tok video calls kar sakte hai. Jabse 4G launch ho gaya hai, tab se har koi व्यक्ति voice call ke bajaye video call karne laga hai. Video call karne ke liye high speed connectivity ki zaroorat padti hai. Lekin keval connectivity hone se kaam nahi banta hai. Iske liye hume ache softwares ki zaroorat hai. Agar PC ki baat ki jaye, to Internet par Windows 10 ke liye badhiya applications उपलब्ध hai.

Hum humesha sochte rehte hai ki ab kaunsa software use kiya jaye. Software decide karna ek badi samasya hai. Kabhi kabhi isi ulajhan me pad kar hum softwares ko install hi nahi karte hai. Main ye post keval aapke liye laya hu. Aap har ek software ka description padh kar easily decide kar sakte ho. Lekin main aapko ek baat bata dena chahta hu ki ye sabhi softwares Windows 10 ke liye hai. Old version me ye theek tarah se kaam nahi kar paye ga. Aaj kal log jyada ter Windows 10 hi use karte hai isliye maine decide kiya ki Windows 10 ke video chat software share karu. To badhte hai list ki taraf jaha aapko ek se badhkar ek software milega.


1. Skype

Aapne Skype ka naam already suna hoga. But kya aapko iski khoobiyan pata hai? Chaliye main batane ki koshish karta hu. Agar aap soch rahe hai ki Skype se badhkar koi aur software hai, to zaroor kuch locha hai. Jaha tak main janta hu, Skype aisa software hai jiska istemal har koi karta hai. Pata hai kyun? kyunki ye sab se शक्तिशाली video chat application hai jo duniya bhar me लोकप्रिय hai. Skype me bahut saare features hai jaise Free Video Calls, Group Video Calling, Skype-to-Skype calls, Instant messaging, Screen Sharing, Skype Conference Calls aur Call to Phone Lines. Skype me ek aur रहस्यमय सुविधा hai jisko "Skype Online Numbers" kehte hai. Is service se aap apni country me reh kar kisi dusri country ka number Skype account se use kar sakte hai. Jaha bhi jao, number change karne ki koi zaroorat nahi padti hai. Aur kya kya bataun?


2. ooVoo

Kya aap "all in one" software use karna chahte hai? To ooVoo aapki zarooton ko poora kar sakta hai. Is application me "ऑल - इन - वन" features hai jaise Video calling, textual chatting aur audio chatting. Ise ziyada aur kya expect kar sakte hai? Hmm! aur bhi ek feature hai. ooVoo se hum Group video calling kar sakte hai. Aap group me ek sath 12 contacts ko add kar ke chatting kar sakte hai. Aur to aur, aap apne friends ke calls bhi record kar sakte hai. Is ke alawa, is me "Call Me Button" hai. "Call Me Button" ko aap apni website me add kar sakte hai. Is application ki voice quality itni achi hai jisko describe karne me 2000 words ki zaroorat hai.


3. Stride

Ye aisi application hai jinse video calling ka itihas hi badal kar rakha hai. Stride FREE version me aise features hai jo kisi dusre software me nahi milege. Jaise Unlimited Group Chat, Unlimited Direct Messaging, Unlimited Video Chat, Unlimited Voice Calling, Unlimited Audio/Video Conferencing, File Sharing aur Unlimited Group Screen Sharing. Jaha tak file sharing ki baat hai, is software se 5GB storage FREE me milta hai.


4. ICQ

Agar aap softwares ke interface se difficult feel kar rahe hai to ICQ (I Seek You) khaas aapke liye hai. Ye aapko tab pata chale ga jab aap is application ka use karo ge. Is application par account create karte hi ek FREE number milta hai jo bilkul mobile number ki tarah hota hai. Ye number audio calling, video calling, File sharing aur group chatting ke liye use kiya jata hai. ICQ software par files bhi transfer kar sakte hai.

To Friends! ye the kuch windows 10 video calling softwares jinko aap apne PC par install kar sakte hai. In Applications se aap विश्व me kahi bhi FREE Video aur Audio calls kar sakte hai. Inhe download karne se pehle in ki "privacy policy", "terms of use", aur "disclaimer" padhna na bhoolain.

Wednesday, March 28, 2018

Windows 10 Me WiFi History Generate Kaise Kare

generate wifi history in windows 10

Hi Friends! Aaj main jis topic pe baat karne wala hu woh Windows se related hai. Agar aap Windows 10 me WiFi ka use karte hai to is post ko padh kar aap WiFi aur WLAN se judi report check kar sakte hai. Hum me se bahut saare loogu ne apna operating system XP se lekar windows 10 me upgrade kiya hoga. Aap to jante hi huge ki Windows 10 ka interface XP, Windows 7 aur Windows 8 se bilkul different hai.

Jaise hum earlier operating systems ko operate karte hai waise windows ko kiya jata hai. Lekin kahin kahin pe Windows 10 ko operate karne ke liye hum विभिन्न तरीके istemal karte hai. Jaise WiFi, WLAN and control panel. In teenu ka interface aur function windows 10 me different hai.

Main is post me batane ja raha hu ki Windows 10 me WiFi ya WLAN ki report aur History generate kaise ki jati hai. Ye koi bada masla nahi hai. Bas kuch hi steps me aap history aur report generate kar sakte hai. Generate ki gayi history me WiFi sessions samil hote hai. Jaise successful aur failed sessions, WiFi network ka session duration, disconnect kaaran, network SSID aur WiFi connection ka time aur date. Ye sab aap generate ki gayi report me dekh sakte hai. To ab seedha topic pe chalte hai.


WiFi History aur WLAN Report Generate Kaise Kare

  1. Sab se pehle Command Prompt ko open kare. Open karne ke liye windows ke search box me cmd type kare
  2. cmd par right click kar ke run as administrator ko select kare
  3. Jaise hi cmd launch hoga, netsh wlan show wlanreport cmd me paste kare
  4. Paste karne ke baad Enter key press kare
  5. Enter key press karne se command execute ho jaye ga. Jab tak report generate hogi, aap kuch minutes tak wait kare
  6. Generate ki gayi report WlanReport folder me automatically save ho jaye gi
  7. WlanReport folder ko access karne ke liye local disk C me is folder ko check kare

Local disk C me folder ko access karne ke liye, main ne steps diye hai

C: > ProgramData > Microsoft > Windows > WlanReport

Generate ki gayi report me Google chrome icon hoga. Ye report HTML format me hone ki waja se chrome ka icon show karta hai. Is icon par double click karke, aap web browser se ye report dekh sakte hai. Is report me BSS type, session duration, session disconnect reason ke alawa system report bhi shamil hogi. System information me PC se judi details hoti hai. Jis me Low power wireless adapter, high power wireless adapter, working power state aur network connectivity jaise reports shamil hoti hai.

Is tarah ki report generate karne ke liye aap third party softwares ka use bhi kar sakte hai. Lekin in softwares se only WiFi history generate ki jati hai. WLAN naam ki cheez third-party applications me hoti hi nahi hai. Dosto, is baat ko le kar zyada khush nahi hona ki aap 1947 se kar current time tak ki report generate kar sakte hai? Aap only 3 days ki report aur history dekh sakte hai. Chahe aap third party applications ka use kare ya phir cmd. Agar aap kisi software se 3 din se zyada ki history aur report generate kar sakte hai, to please mujhe bhi bata dena.

Tuesday, March 27, 2018

Skype Calls Ko Automatically Record Kaise Kare

record skype calls automatically

Aap ne bahut bar Skype ko use kiya hoga. Lekin kya aap jante hai ki Skype calls ko automatically kaise record kiya jata hai? Jaise aap smartphone par Call recorder Apps install kar ke calls ko automatically record kar lete hain, theek aise hi Skype Audio Recorder se aap apne skype calls ko record kar sakte hai. Skype par hum voice calling, video calling, text messaging karne ke alawah Group callings bhi kar sakte hai. Main ne aise softwares list me Add ki hai jinse aap text messages ko chhod kar baki calls ko record kar sakte hai. Agar aap Skype ka istemal personal calls, professional meetings, interviews, discussions, online classes, ya kisi aur roop se use karte hai, to aap softwares ki madad se inhe record aur save kar sakte hai.

Is post me mention ki gayi kuch applications me Filter bhi hai. Filter se aap apne Contacts ya group contacts ke liye alag-alag folders me calls ko save kar sakte hai. Filter se aap kisi विशेष व्यक्ति ko block-list me daal sakte hai. Jab bhi aap ko Skype par koi call kare ga to woh call folder me automatically save ho jaye gi. Agar aap kisi विशेष व्यक्ति ki calls ko record nahi karna chahte hai, to aap Filter me contact settings change kar sakte hai. Sabhi softwares me Filter na hone ki wajah se aap manual settings use kare.


Skype Calls Ko Record Karne Ka Faida

Ye softwares students ke liye bahut hi zaroori hai. Kabhi kabhi students ko live classes me topic samajh nahi aata hai. In applications ka use kar ke woh badi aasani se "live class topic" ko MP3 me save karke sunn sakte hai. Agar topic ko 2-3 bar offline suna jaye to छात्रों ko topic badi aasani se understand ho sakta hai.

Dosto, ye sabhi applications bilkul free hai. Bas inhe install kar ke calls ko MP3 file format me save kare. Ab hum seedha software list par chale jayein. Jaha aap ko acha software mile ga, waha ruk kar use download kare. Har Software ke neeche download link diya gaya hai.


1. CallGraph Recorder

CallGraph Recorder FREE windows software hai. Is application me aap ko CallGraph Toolbar aur CallGraph Browser mile ga. CallGraph Toolbar se aap is software ka behaviour control kar sakte hai. Jaise recording folder, start, pause, aur stop. In ka use kar ke aap recording ko control kar sakte hai. CallGraph Browser se aap save ki gayi recording ko browse kar sakte hai. Jaise hum kisi website par apne Facebook, Twitter ya Google account se authorize kar ke login karte hai, bilkul usi tarah aap is application ko lunch kar kar Skype se connect kar sakte hai.

http://scribie.com/free-skype-recorder.php

2. iFree Skype Recorder

iFree Skype Recorder ka interface bohut hi badhiya hai. Yaha par inbuilt mp3 player hai jis se aap call recording control kar sakte hai. Ye software sabhi calls ko MP3 file format me save kar deta hai Jin ko aap aasani se kisi bhi mp3 player me play kar sakte hai. Dosto, is software me "system setting" hai jis se aap calls ko automatically ya manually record karne ke liye use kar sakte hai. Is ke alawa, only one side calls ko record kiya ja sakta hai. Agar dono side se recording karna chahte hai, to "system settings" me settings ko change kare.

http://www.ifree-recorder.com/

3. Skype Audio Recorder

Main ne post ke second paragraph me "Filter" ki baat ki. Ye wohi software hai jis me Filter hai. Skype Audio Recorder me "Sound tab" ka option use kar ke aap default sound quality set kar sakte hai. Is software me bahut saare features hai jo ki me already discuss kar chuka hu. Aap is post ka second paragraph padh kar samajh jao hai.

http://skypeautorecorder.codeplex.com/

4. Pamela for Skype

Pamela for Skype ek bahut hi shakti shaali software hai. Lekin is software ke FREE version se hum unlimited calls nahi kar sakte hai. Ye is software ka sab se bada drawback hai. Aap FREE version se only 15 minute ki recording save kar sakte hai. Pamela for Skye me bohut saare features hai jise recording me notes add kara, custom voice recording, create mood messages, answering machine ke liye automatic message, auto chat reply ke liye automatic message, Skype contacts ke liye birthday reminder, Call transfer editor, AutoConf editor aur bhi bahut kuch.

http://www.pamela.biz/en/

In softwares ka use kar ke aap apne Skype calls ko MP3 me save kar sakte hai. Aur jab bhi mann kare aap save ki gayi recordings bina Internet connection ke sunne sakte hai. Ye ek aasan tareeka hai jo students aur business man use kar ke discussion ko offline study kar sakte hai.

© Copyright 2019 TechLekhak | All Right Reserved